Каталіцкія Скаўткі і Скаўты

ПАН БОГ НАШ — ПАН АДЗІНЫ; ЛЮБІ ЯГО

Пятніца — IIІ Тыдзень Вялікага посту

Мк 12, 28b–34

Адзін кніжнік, падышоў да Езуса і спытаўся ў Яго: Якая запаведзь першая з усіх? Езус адказаў: Першая такая: слухай, Ізраэль, Пан Бог наш — Пан адзіны; любі Пана Бога твайго ўсім сэрцам тваім, і ўсёю душою тваёю, і ўсім розумам тваім, і ўсёй моцаю тваёй. Другая: Любі бліжняга твайго, як самога сябе. Няма іншай запаведзі, большай за гэтыя.

І сказаў Яму кніжнік: Добра, Настаўнік, Ты праўду сказаў, што ёсць адзін і няма іншага, апроч Яго. Любіць Яго ўсім сэрцам, і ўсім розумам, і ўсёю душою, і ўсёю моцаю; і любіць бліжняга, як самога сябе — гэта больш за ўсе ахвяры і ўсеспаленні. Езус, убачыўшы, што той разумна адказвае, сказаў яму: Недалёка ты ад Валадарства Божага. І ніхто ўжо больш не адважваўся пытацца ў Яго.

Хоць і ўсе Божыя запаведзі важныя, аднак ёсць сярод іх першасныя.

a. Слухай, Ізраэль, Пан Бог наш — Пан адзіны;

b. Любі Пана Бога твайго ўсім сэрцам тваім, і ўсёю душою тваёю, і ўсім розумам тваім, і ўсёй моцаю тваёй.

c. Любі бліжняга твайго, як самога сябе.

Калі гэта навучуся выконваць, змагу зрабіць наступныя крокі.

Кс. Андрэй Шут

English French Lithuanian Polish Russian Ukrainian