Каталіцкія Скаўткі і Скаўты

БЛАГАСЛАЎЛЁНЫ ТОЙ, ХТО ПРЫХОДЗІЦЬ У ІМЯ ПАНА

Пальмовая нядзеля або Нядзеля Мукі Пана

Мц 21, 1–11

Калі наблізіліся да Ерузалема і прыйшлі ў Бэтфагію да гары Аліўнай, тады Езус паслаў двух вучняў, кажучы ім: Ідзіце ў вёску, што перад вамі. Там адразу знойдзеце прывязаную асліцу і асляня з ёю. Адвяжыце і прывядзіце да Мяне. Калі вам хто скажа што-небудзь, адкажыце, што яны патрэбны Пану; і зараз жа адашле іх.

І сталася гэта, каб збылося сказанае прарокам, які кажа: Скажыце дачцы Сіёна: Вось Кароль твой ідзе да цябе; лагодны, седзячы на асліцы і на асляняці, сыне пад’ярэмнай.

Вучні пайшлі і зрабілі так, як загадаў ім Езус. Прывялі асліцу і асляня і паклалі на іх сваё адзенне, і Ён сеў на яго. І мноства людзей слала сваё адзенне на дарозе, а іншыя зразалі галінкі з дрэваў і слалі на дарозе. А натоўпы, якія ішлі спераду і следам за Ім, усклікалі:
Гасанна Сыну Давіда!
Благаслаўлёны той,
хто прыходзіць у імя Пана!
Гасанна на вьшынях!

І калі Ён увайшоў у Ерузалем, узрушыўся ўвесь горад, і пыталіся: Хто гэта? А народ адказваў: Гэта прарок Езус з Назарэту галілейскага.

Уражвае раздвоенае стаўленне народа да Езуса. Адны ўсклікаюць: “Гасанна Сыну Давіда! Благаслаўлёны той, хто прыходзіць у імя Пана!” А іншыя пытаюцца: “Хто гэта?”  Чаму так сталася?

Незалежна ад стаўлення людзей да Езуса, здзяйсняецца справа збаўлення, спаўняюцца прароцтвы. Вельмі хутка надыдзе тая самая апошняя гадзіна, дзеля якой і прыйшоў наш Збавіцель Езус Хрыстус.

Кс. Андрэй Шут


English French Lithuanian Polish Russian Ukrainian