Каталіцкія Скаўткі і Скаўты

Кап'ё Кап'явых Гомельскага звяза дзяўчат прайшло ў Жлобіне

Увечары 17 сакавiка ў Жлобiн на выходныя адправiлiся звязовая і кап'явыя Гомельскага звяза Св. Кацярыны Александрыйскай, каб разам правесцi Кап'ё Кап'явых. За размовамі аб жыцці і ў марах пра будучыя прыгоды час ў цягніку праляцеў вельмі хутка.

На першы начлег спыніліся ў капліцы Св. Казіміра, дзе нас сустрэлі ксёндз Юзаф i д'якан Сяргей. Там была запланавана адарацыя – час, які мы правялі ў цішыні, каб мець магчымасць індывідуальна паразмаўляць з Богам і ўслухацца ў Яго. Яшчэ да адарацыі мы дамовіліся, што пасля яе заканчэння будзем рыхтавацца да сну ў поўнай цішыні. І гэта было сапраўдным выпрабаваннем!

Падрабязней...

ХТО Ж ВЫКАНАЕ І НАВУЧЫЦЬ, ТОЙ ВЯЛІКІМ НАЗАВЕЦЦА Ў ВАЛАДАРСТВЕ НЯБЕСНЫМ

Серада — ІІІ Тыдзень Вялікага посту

Мц 5, 17–19

Езус сказаў сваім вучням: Не думайце, што Я прыйшоў адмяніць закон ці прарокаў: не адмяніць прыйшоў Я, але выканаць. Бо сапраўды кажу вам: пакуль не праміне неба і зямля, ніводная ёта, ніводная рыска не знікне з закону, пакуль не збудзецца ўсё. Таму, калі хто парушыць адну з гэтых найменшых запаведзяў і навучыць гэтаму людзей, той найменшым назавецца ў Валадарстве Нябесным. Хто ж выканае і навучыць, той вялікім назавецца ў Валадарстве Нябесным.

Падрабязней...

ГЭТА СПАДКАЕМЦА. ХАДЗЕМЦЕ, ЗАБ’ЁМ ЯГО

Пятніца — IІ Тыдзень Вялікага посту

Мц 21, 33–43. 45–46 

Езус сказаў першасвятарам і старэйшынам народа: Паслухайце іншую прыпавесць: Быў адзін гаспадар дому, які пасадзіў вінаграднік, абнёс яго агароджаю, вычасаў у ім давіла, пабудаваў вежу і, аддаўшы яго вінаградарам, адышоў. Калі ж наблізіўся час збіраць ураджай, ён паслаў слугаў сваіх да вінаградараў, каб забраць плады свае. А вінаградары, схапіўшы слугаў ягоных, аднаго пабілі, другога забілі, а іншага закідалі камянямі. Ён зноў паслаў яшчэ больш слугаў, і з імі ўчынілі тое самае. Урэшце ён паслаў да іх свайго сына, кажучы: Пасаромеюцца сына майго. Але вінаградары, убачыўшы сына ягонага, сказалі адзін аднаму: Гэта спадкаемца. Хадземце, заб’ём яго і завалодаем спадчынай ягонай. І, схапіўшы яго, выкінулі з вінаградніку і забілі. Калі ж прыйдзе гаспадар вінаградніку, што зробіць ён з гэтымі вінаградарамі? Кажуць Яму: Злодзеяў гэтых пакарае ліхою смерцю, а вінагараднік аддасць іншым вінаградарам, якія будуць аддаваць яму плады ў адпаведны час. Езус кажа ім: Няўжо ж вы ніколі не чыталі ў Пісаннях: Той камень, які адкінулі будаўнікі, стаўся галавою вугла; праз Пана гэта сталася і дзіўнае ў вачах нашых.

Падрабязней...

КРЫНІЦА ВАДЫ, ЯКАЯ ЦЯЧЭ Ў ЖЫЦЦЁ ВЕЧНАЕ

ІII Нядзеля Вялікага посту

Ян 4, 5–15. 19b–26. 39а. 40–42

Прыйшоў Езус у самарыйскі горад, званы Сіхар, блізка да надзелу зямлі, які даў Якуб сыну свайму Юзафу. Была там студня Якуба. Езус жа, стомлены дарогай, сеў пры студні. Было каля шостай гадзіны. Вось прыходзіць жанчына з Самарыі зачарпнуць вады. Езус кажа ёй: Дай Мне піць. Вучні ж Ягоныя адышлі ў горад купіць ежы.

Падрабязней...

Вялiкапосныя рэкалекцыі для маладых правадніц прайшлi ў Лiдзе

11-12 сакавіка ў Лідзе прайшлi рэкалекцыі для маладых правадніц. Дзяўчаты прыехалi з розных куткоў Беларусі: Гомель, Гродна, Мазыр, Мінск, Івянец, Вiцебск. Падрыхтаваў i праводзiў духоўныя практыкаванні айцец Андрэй Урублеўскі з Гродна. Цiкавыя i актыўныя канферэнцыi, а таксама размовы за гарбатай, дапамаглi дзяўчатам паглыбiць сваю духоўнасць, пашырыць веды пра скаўтынг, знайсцi адказы на турбуючыя пытаннi i зрабiць пастановы на блiжэйшы час.

Падрабязней...

English French Lithuanian Polish Russian Ukrainian