КАЛІ СЫН ВЫЗВАЛІЦЬ ВАС, БУДЗЕЦЕ САПРАЎДЫ СВАБОДНЫМІ

Серада — V Тыдзень Вялікага посту

Ян 8, 31–42

Езус сказаў юдэям, якія паверылі ў Яго: Калі вы застанецеся ў слове Маім, то сапраўды будзеце вучнямі Маімі і спазнаеце праўду, а праўда вас вызваліць.

Тыя адказалі Яму: Мы нашчадкі Абрагама і ніколі не былі паднявольныя нікому. Як жа Ты кажаш: Вы станеце свабоднымі?

Езус адказаў ім: Сапраўды, сапраўды кажу вам: кожны, хто чыніць грэх, гэта нявольнік граху. А нявольнік не жыве ў доме вечна; сын застаецца вечна. Таму, калі Сын вызваліць вас, будзеце сапраўды свабоднымі. Ведаю, што вы нашчадкі Абрагама, аднак, шукаеце як Мяне забіць, бо слова Маё не змяшчаецца ў вас. Я кажу тое, што бачыў у Айца Майго, а вы робіце тое, што чулі ад айца вашага.

Тыя сказалі Яму ў адказ: Абрагам наш айцец.

Езус сказаў ім: Калі б вы былі дзецьмі Абрагама, рабілі б учынкі Абрагама. А цяпер шукаеце, як забіць Мяне, чалавека, які сказаў вам праўду, якую пачуў ад Бога. Абрагам гэтага не рабіў. Вы робіце ўчынкі айца вашага.

Яны адказалі Яму: Мы не з распусты народжаныя; мы маем аднаго Айца – Бога.

Езус сказаў ім: Калі б Бог быў вашым айцом, вы б і Мяне любілі. Бо Я ад Бога выйшаў і прыходжу; Я не сам ад сябе прыйшоў, але Ён паслаў Мяне.

Паразважаю, што абазначае духоўная свабода, якая з’ўляецца самай істотнай для хрысціяніна. Гэта адсутнасць граху. Яе прыйшоў даць нам Езус. Больш ніхто не ў стане гэтага зрабіць.

Свабода ад граху тасама разпазнаецца па плёнах. “Учынкі Абрагама” – учынкі чалавека праведнага і вернага Божаму Слову. Калі няма гэтых учынкаў, задам сабе пытанне: ці я свабодны?

Кс. Андрэй Шут