11-12 сакавіка ў Лідзе прайшлi рэкалекцыі для маладых правадніц. Дзяўчаты прыехалi з розных куткоў Беларусі: Гомель, Гродна, Мазыр, Мінск, Івянец, Вiцебск. Падрыхтаваў i праводзiў духоўныя практыкаванні айцец Андрэй Урублеўскі з Гродна. Цiкавыя i актыўныя канферэнцыi, а таксама размовы за гарбатай, дапамаглi дзяўчатам паглыбiць сваю духоўнасць, пашырыць веды пра скаўтынг, знайсцi адказы на турбуючыя пытаннi i зрабiць пастановы на блiжэйшы час.

4-5 сакавіка ў Гродна адбыліся вялікапосныя рэкалекцыі для правадніц. Дзяўчатам вельмі пашанцавала, бо духоўныя практыкаванні праводзіла сястра Паўла з ордэна Місіянерак Святой Сям’і. Яна раскрыла ўдзельніцам тэму жаноцкасці і ва ўсіх з’явілася магчымасць і час паразважаць над гэтым асаблівым дарам. 

Пад такім дэвізам прайшла зімовая вандроўка маладых правадніц вогнішча Св.Цэцыліі, якая адбылася 26-29 студзеня па маршруце Івянец-Баравікоўшчына-Івянец. Шмат цікавага і прыгодніцкага адбылося з намі падчас гэтых незвычайных дзён, якія зрабілі нашу супольнасць яшчэ больш моцнай і прынеслі некаторыя змены ў нашых пачуццях.

У трэцюю нядзелю Адвэнта каталіцкія скаўты даставяць Бэтлеемскі агонь ў парафіі Беларусі. Штогод прадстаўнік аўстрыйскіх скаўтаў запальвае лампаду ў базіліцы Божага Нараджэння ў Бэтлееме, затым спецыяльным рэйсам полымя прывозяць ў Вену. Адтуль Бэтлеемскі агонь распаўсюджваецца па кранах Еўропы шляхам так званай скаўцкай эстафеты: скаўты з розных краін перадаюць полымя  адно аднаму.

Гісторыя акцыі з Бэтлеемскім агнём налічвае ўжо 30 год. У 1986 годзе прадстаўнікі Аўстрыйскій тэлерадыёкампаніі ўпершыню прынеслі сімвалічнае святло Божага Нараджэння тым, хто не мог раздзяліць гэтую радасць з блізкімі людзьмі. Гэтай ініцыятывай зацікавіліся аўстрыйскія скаўты. Праз год яны далучыліся да акцыі, а яшчэ праз два зрабілі яе міжнароднай. Так ў 1989 годзе Бэтлеемскі агонь быў перададзены ў Венгрыю, Польшу, Чэхію.У наступныя гады геаграфія актыўна пашыралася. У 1998 годзе скаўты ўжо дзясяты раз распаўсюджвалі Бэтлеемскі агонь. У Германіі Бэтлеемскі агонь быў дастаўлены амаль ў 400 гарадоў, ў Італіі ў акціі прымалі ўдзел чатыры скаўцкія супольнасці. Падобныя акцыі былі арганізаваны ў Польшы, Славакіі, Славеніі, Венгрыі, Люксембургу. У гэтым жа годзе святло Бтлеемска агню прыйшло таксама ў Беларусь, Украіну, Літву, а таксама Данію, Швецыю, Велікабрытанію.